Dan takarar shugaban kasa na jam’iyyar PDP a zaben 2023, Atiku Abubakar ya bayyana cewa babu wani rikici a jam’iyyar sa.
Duk da rahotannin da ke cewa Jam’iyyar ta samu rarrabuwar kawuna kan matakin da ya dauka na zaben Ifeanyi Okowa a matsayin abokin takararsa da Gwamnan Ribas, Nyesom Wike, Atiku ya ce jam’iyyar ta hade.
A wani sako da ya aikewa magoya bayan sa, Atiku wanda ke fuskantar fafatawa da wasu gwamnonin PDP da masu ruwa da tsaki a kan zaben da ya yi na tsayawa takara, ya ce zai yi duk mai yiwuwa wajen ganin ya hada kowa da kowa a karkashin inuwa daya.
Ya ce “Daya daga cikin sifofin dimokuradiyya da nake sha’awar shi shi ne tsarin da ke da kaddarorin magance rikice-rikice”.
“Ya zama mai ban sha’awa cewa watakila mafi kyawun sakamako na tsarin dimokuradiyya shine mafi girman yiwuwar haifar da rikici”.
“Don haka, wani babban darasi da na koya a siyasa shi ne cewa a wasu lokuta, rikice-rikicen gaskiya ne.”
“Na sani, alal misali, lokacin da rikice-rikice suka taso saboda damuwa na gaske game da samun tsarin siyasa mai ma’ana, yana nuna yiwuwar aiwatar da wannan tsari kuma, mafi mahimmanci, himmar masu ruwa da tsaki don zama masu shiga tsakani don samun nasarar irin wannan tsari”.
“A matsayinmu na shugabanni da masu ruwa da tsaki a jam’iyyar Peoples Democratic Party, tashe-tashen hankula a jam’iyyarmu alama ce da ke nuna matsayinmu na jam’iyyar dimokuradiyya.”
“Kowane irin tada hankalinmu, na yi imanin hakan ya samo asali ne saboda damuwar gamayya ga ci gaban jam’iyyarmu da kasa. Don haka, ban ga gidan da aka raba a PDP ba. Ina ganin wata dama ce a gare mu mu hada karfi da karfe”.