A yayin da jam’iyyar APC ke shirin gudanar da babban taronta a wannan watan, masu ruwa da tsaki a fadin kasar nan sun yi watsi da takarar Sanatan Jihar Neja, Muhammad Musa, inda suka ce shi ne zai jagoranci jam’iyyar zuwa ga gagarumin rinjaye a zaben 2023 mai zuwa.
Ko’odinetan masu ruwa da tsaki na jam’iyyar APC Umar Kumo ne ya bayyana haka a garin Daura na jihar Katsina a lokacin da aka nada Ministan Sufuri, Chibuike Ameachi a matsayin Dan Amanan Daura.
Ya bayyana cewa tuni aka fara tattaro wakilai da manyan jiga-jigan jam’iyyar domin nuna goyon bayansu ga Sanatan Neja ta Gabas ya zama zababben shugaban jam’iyyar APC na kasa.
Goyon bayan da Sanatan ya samu, a cewar Kumo, bai rasa nasaba da “tsaftataccen tarihinsa na hidimar gwamnati, kwarewa da kwarjini ba,” wanda ya ce shugaban jam’iyyar ya bukaci a samu zukatan ‘yan Najeriya gabanin zaben 2023.
Kumo ya kara da cewa, jam’iyyar na kokarin kaucewa sake maimaita kura-kuran da aka yi a baya, musamman kura-kuran daukar hankalin ‘yan Najeriya a bakin komai.
Ya kuma yi bayanin cewa masu ruwa da tsakin sun amince “kada su fada cikin rijiyar da ta zama ‘ya’yan jam’iyyar da ta gabata a mulki.”
