Karim Benzema ya bukaci ganawa da shugaban Real Madrid Florentino Perez a watan Maris saboda yana tsoron kada ya rasa matsayinsa a kungiyar idan Erling Haaland ya koma kungiyar a bazara, in ji rahotanni. Fagenwasanni.com ta rahoto.
Dan wasan na Faransa ya taka rawar gani sosai a kakar wasa ta bana inda ya zura kwallaye 24 a wasanni 28 da ya buga wa Real Madrid wadda ta kai tazarar maki shida a teburin La Liga kuma tana shirin fafatawa da PSG a gasar zakarun Turai a takiyar wannan watan.
A halin da ake ciki dai Real Madrid na sha’awar karfafa kai hare-hare a wannan bazara kuma ana alakanta su da zawarcin Haaland da dan wasan gaba Kylian Mbappe na PSG a bana.:
Kuma a cewar kafar yada labaran Faransa Onze, Benzema yana jin barazanar zuwan dan wasan gaba na Borussia Dortmund Haaland a wannan bazarar kuma yana son haduwa a wata mai zuwa don fayyace matsayinsa a kungiyar.
Haaland ya kasance cikin yanayi na musamman a Jamus shima, inda ya zura kwallaye 23 a wasanni 20 da ya buga a kungiyar Ruhr-land.
Za’a kashe fam miliyan 67 a cikin kwantiragin dan wasan na Norway a wannan bazarar, wanda zai iya haifar da sha’awar manyan kungiyoyin Turai – ciki har da Real.
Ana kuma sa ran kungiyar ta Spaniya za ta koma daukar Kylian Mbappe a bazara, bayan da ta yi tayin fan miliyan 137 da kuma fam miliyan 154 a bara – wadanda PSG ta yi watsi da su.:
Mbappe zai samu kwantiragin kyauta bayan da har yanzu bai tsawaita kwantiraginsa na PSG ba, wanda zai kare a karshen watan Yuni.
Benzema, a halin yanzu, yana da yarjejeniya a babban birnin Spain har zuwa lokacin bazara na 2023 – amma ba zai yuwu ya jawo makudan kudade ba ganin cewa yana da shekaru 34 a duniya kuma a cikin tsakiyar shekarun rayuwarsa na gabatowar karshe.
Da yake magana da Inside Gones, tsohon wakilin Benzema, Karim Djaziri, ya yi ikirarin cewa duk da matsayinsa na gwarzo a Real, dan wasan yana son komawa Lyon – inda ya fara buga kwallon kafa – a wani mataki.:
Karim Benzema zai koma Lyon? E, ina jin yana so,’ in ji Djaziri. ‘Yana magana da ni akai-akai kuma yana kallon wasannin kungiyar.
‘A kan haka, bai taba zuwa filin wasa na Groupama ba kuma a tunaninsa abu ne da yake so, yana da Lyon a cikin zuciyarsa. Akwai komai na OL a zuciyar Karim. yana so ya dawo Lyon kuma ya samu karfin kafafunsa.
‘Zai yarda ya rabu da barin babbar kulob a duniya da komawa Lyon, tambaya ce ta lokaci. A cikin mafarkinsa, dole ne ya dawo Lyon kuma ya yi manyan abubuwa.
