Gwamnatin tarayya ta shirya yiwa ‘yan N-Power alheri a sabon tsarin NEXIT
Gwamnati ta bayyana cewa a shirin nata za ta dauki wasu aiki na dindindin
Wasu kuwa zasu mori bashi a karkashin tsarin GEEP da babban bankin tarayya ke gudanarwa
Masu cin gajiyar N-Power, wadanda suka kammala shirin aikin na shekaru biyu, yanzu za su sami damar samun aikin dindindin ko damar kasuwanci, in ji Gwamnatin Tarayya.
Wannan wani bangare ne na sabuwar kokarin gwamnati kan fita daga tsarin N-power.
Tsarin an yi shine ga dukkan ‘yan tsarin A da B na shirin N-Power.
Ministar Harkokin Jin Kai, da Ci Gaban Jama’a, Sadiya Farouq, ce ta bayar da sanarwar a ranar Laraba, The Nation ta ruwaito.
Ta yi magana ne a nazarin shekara-shekara na 4 na Tsarin Ciyarwar Makaranta na Gida (NHGSFP).
KU KARANTA: Masu garkuwa da mutane sun kame wanda ya kawo kudin fansar ‘yan uwansa
A karkashin shirin, masu cin gajiyar 200,000 za su tsunduma a matsayin masu gudanar da aiyukan hada-hadar kudi a karkashin Shared Agent Network Fadada Facility (SANEF) da Babban bankin Najeriya (CBN) ke gudanarwa.
“An kammala shirye-shirye don sauyawar N-power shirin A da B ta hanyar kirkirar hanyar NEXIT, wanda zai ba wa wadanda suka zabi shiga rajista domin samun wasu damar tsarin karfafawa na gwamnati.”
Sadiya ta ce “Ana sa ran shigar da tsarin kula da cin gajiyar NSIP a shekarar 2021. Zai iya samun damar gudanar da biyan kudi, magance korafe-korafe da inganta yada labarai.”
Gwamnatin ta ce wasu masu cin gajiyar 30,000 tuni sun kasance a cikin wani shirin bunkasa tattalin arziki.
Sauran za su sami zaɓi na cin gajiyar rancen ƙananan Masana’antu na Gwamnatin da kuma Karfarfafawa (GEEP).
